विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
१९ भदौ २०८३, शुक्रवार
सार्वजनिक यातायातको समस्या गम्भीर, सुधार नगरी विकल्प छैन : गगन थापा
नेपाली कांग्रेसका सभापति गगन थापाले सार्वजनिक यातायात प्रणालीमा व्यापक सुधारको खाँचो औँल्याएका छन् ।
उनले शुक्रबार सामाजिक सञ्जाल फेसबुकमार्फत भिडियो सन्देश जारी गर्दै सार्वजनिक यातायातलाई सुरक्षित, भरपर्दो र व्यवस्थित बनाउनु अपरिहार्य रहेको बताएका हुन् ।
उनले हालको सार्वजनिक यातायात प्रणालीका कमजोरीतर्फ ध्यानाकर्षण गराउँदै भने, ‘घण्टौँको जाम, सडकमा उड्ने धुलो र असुरक्षित यात्रा नै आजको सार्वजनिक यातायातको यथार्थ हो । साना र अव्यवस्थित सवारीमा निर्भर प्रणाली, एकीकृत नभएको रुट परमिट तथा भाडा व्यवस्था, र राजधानीमै कामकाजी नागरिक समयमै कार्यालय पुग्न नसक्ने अवस्था देखिन्छ ।
थापाका अनुसार यस्ता समस्याले सार्वजनिक यातायात क्षेत्रमा संरचनागत सुधार आवश्यक रहेको स्पष्ट पार्छ । उनले त्यसका लागि आफ्नो पक्षबाट ठोस तयारी भइरहेको पनि दाबी गरेका छन् ।
Follow us on Facebook
Follow us on Twitter
Follow us on Instagram