विश्वविद्यालय र विद्यालयबाट २ महिनाभित्र दलीय विद्यार्थी संगठन हटाउने सरकारको निर्णय
१८ भदौ २०८३, बिहिवार
स्पेन प्रकरणबारे छानबिन गर्न सीआईबीका एसएसपी बोगटीको नेतृत्वमा समिति गठन
नेपाल प्रहरीको केन्द्रीय अनुसन्धान ब्युरो ९सीआईबी० ले स्पेनको सेभिलामा भएको संयुक्त राष्ट्रसंघीय सम्मेलनमा सहभागी बनाएर असम्बन्धित व्यक्तिलाई लैजाने गिरोहबारे छानबिन गर्न ६ सदस्यीय समिति गठन गरेको छ ।
ब्युरोका प्रहरी वरिष्ठ उपरीक्षक ९एसएसपी० होविन्द्र बोगटीको नेतृत्वमा छानबिन समिति गठन गरिएको हो । जसमा मानव बेचबिखन अनुसन्धान ब्युरोका प्रहरी उपरीक्षक ९एसपी० रुगम कुँवर छन् ।
ब्युरोका प्रमुख प्रहरी अतिरिक्त महानिरीक्षक ९एआईजी० चन्द्रकुवेर खापुङले सार्वजनिक भएका विवरणहरूबारे जाँच गर्न सीआईबी र मानव बेचबिखन अनुसन्धान ब्युरोको संयुक्त टोलीलाई खटाउने हिसाबले समिति बनाइएको बताए । उनले गठित समितिलाई रकम लिएर स्पेन पठाइएको भनिएको घटनाको सत्य तथ्य पत्ता लगाउने जिम्मेवारी दिइएको बताए ।
उनले भने, ‘सञ्चारमाध्यमहरूमा आएका विषयहरूमा जाँच गरेर कसरी अघि बढ्न सकिन्छ भन्ने निर्क्योल गर्न समेत यो समिति बनेको हो ।’
सोमबार दिउँसो १ बजे गृहमन्त्री रमेश लेखकले बोलाएको बैठकमा यो मामिलाको छानबिन प्रहरीमार्फत अघि बढाउने निर्णय भएको थियो । बैठकमा प्रहरी महानिरीक्षक दीपक थापा, सीआईबी प्रमुख खापुङ, अध्यागमन विभागका महानिर्देशक गोविन्द रिजाललगायत सहभागी थिए । बैठकमा असम्बन्धित व्यक्तिहरू समेत स्पेनमा भएको कार्यक्रममा गएको हुनसक्ने निष्कर्ष निकालिएको थियो । त्यसपछि त्यसबारे विस्तृत छानबिन गर्न गृहमन्त्री लेखकले निर्देशन दिएका थिए ।
स्पेनको सेभियामा ३० जुनदेखि २ जुलाईसम्म चलेको सम्मेलनमा प्रधानमन्त्री केपी शर्मा ओलीसमेत सहभागी भएका थिए । प्रधानमन्त्री सहभागी कार्यक्रममा गएका व्यक्तिहरू नफर्किएको भन्दै संसदमा समेत कुरा उठेको थियो ।
Follow us on Facebook
Follow us on Twitter
Follow us on Instagram